O dianteiro celeste Iago Aspas xogou de inicio coa Selección Española no decisivo partido da UEFA Nations League ante Croacia. O de Moaña foi substituído no minuto 62, pouco despois de estrelar o balón contra a madeira na mellor ocasión de ‘La Roja’. Brais Méndez non tivo a súa oportunidade nun encontro que finalizou con derrota 3-2, resultado que complica a clasificación de España á seguinte rolda do torneo.
