O primeiro equipo do Celta viviu unha xornada moi especial xunto ao Celta Integra, nun encontro que volveu poñer en valor o compromiso do club coa inclusión e a unión de toda a familia celeste.
O día comezou no Auditorio da Universidade de Vigo, onde os xogadores do Celta asistiron ao visionado de “Os que nunca se renden”, o documental producido por Celta Media que mostra o día a día, a afouteza e o corazón dos xogadores do Celta Integra e das súas familias. Posteriormente, ambos os equipos compartiron unha serie de actividades cargadas de compañeirismo, risas e ganas de gozar xuntos.
Unha xornada moi especial que reafirma que o Celta é, ante todo, unha gran familia.
