O Celta xa está de volta. Tras completar durante os últimos días os recoñecementos médicos na Clínica Celta da Sede, o primeiro persoal regresou este venres á Cidade Deportiva Afouteza para realizar a primeira sesión de adestramento da pretemporada 26/27.
Baixo as ordes de Claudio Giráldez, xogadores e corpo técnico iniciaron a preparación dun novo curso que xa ten no horizonte o seu primeiro compromiso amigable, o próximo 18 de xullo fronte ao SC Braga en Portugal. Este sábado, o equipo continuará coa segunda xornada de traballo.
Dálle ao play e descobre como se viviu desde dentro o primeiro día da pretemporada celeste.
