Volven as grandes noites europeas a Abanca Balaídos! Hoxe fai 158 días que o himno da UEFA Europa League non soa no templo celeste, pero volverá facelo a todo volume o vindeiro xoves 15 de outubro ás 21:00 horas cun duelo moi especial: o regreso a Vigo da Juventus FC 26 anos despois.
As entradas para este esperado encontro xa están dispoñibles no Portal do Celtista, cun período exclusivo de 24 horas para os Carnet Celtista. Finalizado este prazo, mañá martes 22 de setembro ás 16:00 horas, as localidades poranse á venda para o público xeral a través da web oficial do club e nas billeteiras do estadio. Os prezos parten desde 35 € para celtistas e desde 45 € para o público xeral.
Abanca Balaídos prepárase para volver vivir unha desas noites que seguro quedarán para o recordo.
¡Agardámosvos, celtistas!
