Os daneses xogan un amistoso ante Turquía e un partido clasificatorio para a Eurocopa ante Armenia
O centrocampista do RC Celta Michael Krohn-Dehli forma parte da última convocatoria da selección de Dinamarca. O futbolista danés participará co seu combinado nacional en dous partidos, ambos a disputar no país nórdico. O 3 de setembro a cidade danesa de Odense acollerá un amigable ante Turquía e o 7 de setembro Copenhague será escenario dun encontro ante Armenia clasificatorio para a Eurocopa 2016.
Krohn-Dehli, que onte finalizou o partido de Liga ante o Córdoba con molestias no tendón rotuliano da perna esquerda, poderá participar sen problemas na concentración de Dinamarca.
