Os locais, cunha afección espectacular, seguen invictos tras gañar 2-1 con goles de Nolito e Larrivey
Derbi de gran ambiente enorme intensidade, emoción e sabor celeste. O Celta levou o partido con merecemento. Nolito anotou ao principio da primeira metade, empatou o Deportivo por medio de Conca e Larivey apuntouse o segundo para os locais. Sergio detivo un penalti a falta de dous minutos para o final.
Extraordinario ambiente en Balaídos para a reedición en Primeira dun derbi que nunca cansa. Comezo fulgurante. Ao tres minutos, primeira chegada celeste e golazo de Nolito. Larrivey, peiteouna cara atrás e o dianteiro céltico gambeteó ante o central para d repente lanzar un disparo seco lonxe do alcance de Lux. Gran arranque dun Celta decidido e ambicioso. Aos 8 minutos, de novo boa manobra de Nolito e remate de Álex López elevado desde a frontal.
Os locais dominaban o coiro, capitalizaban a posesión, e buscaban a meta de Lux con insistencia. O rival apenas lograba chegar a zonas de perigo e pasado o primeiro cuarto de hora de partido non rematara aínda sobre a meta de Sergio.
Orellana a punto estivo de marcar aos 24 minutos cun lanzamento de falta desde a frontal que saíu moi preto da escuadra. O chileno, aos 31 minutos, buscou de novo a escuadra cun lanzamento desde o pico da área que saíu lixeiramente desviado.
A primeira chegada con perigo do Deportivo foi aos 38 minutos, cunha boa xogada na área que acabou en saque de esquina. No desconto, Fariña lanzou sen acerto unha falta na frontal.
Tras a continuación, Sergio atrapou un remate mordido de Postiga na primeira chegada do Depotivo. E na seguinte acertaron. Conca enviou á rede o coiro tras un centro desde a dereita. O partido igualouse, comezaba de novo.
Lux despexou ben un remate de lonxe de Nolito pouco despois. O Celta trataba de reaccionar. Kronh-Dehli lanz-ou moi preto do pau aos 24 minutos, nunha fase na que o Celta volvía dominar o partido con claridade. E tivo premio. Aos 26 minutos, saque de esquina e gran cabezazo á rede de Larrivey.
Lux evitou o segundo do ariete cunha boa man aos 34 minutos. Gran ocasión para sentenciar. Peor no minuto 87, o árbitro sinalou penalti ou unha man de Cabral. Sergio, cunha intercvención enorme detivo o lanzamento de Medunjanin.
FICHA TÉCNICA
2-R.C.Celta: Sergio, Hugo Mallo, Cabral, Fontás, Planas, Radoja, Krohn-Dehli (Sergi Gómez, min.89), Álex López (Augusto, min.66), Orellana, Nolito (Jonny, min.82) e Larrivey
1-Deportivo: Lux, Laure (José Rodríguez, min.77), Lopo, Sidnei, Luisinho, Bergantiños, Mendunjanin, Cuenca (Cavaleiro, min.69), Fariña (Toché, min.84), Juanfran e Postiga
Goles: 1-0, min.3: Nolito; 1-1, min.54: Cuenca; 2-1, min.71: Larrivey
Árbitro: Del Cerro Grande, do comité madrileño. Amonestou a Fontás, Luisinho, Orellana, Laure, Sidnei
Campo: Estadio de Balaídos, 23.903 espectadores
