O conselleiro Antonio Rosendo acudiu esta mañá a Pontevedra para presentar o LV Trofeo Luis Otero
Antonio Rosendo, conselleiro do RC Celta; Lupe Murillo, presidenta do Pontevedra; e as deputadas Begoña Estévez e Ana Isabel Vázquez presentaron esta mañá na Deputación de Pontevedra o LV Trofeo Luís Otero que disputarán este mércores o Pontevedra CF e o RC Celta (20:45h, Pasarón).
O conselleiro Antonio Rosendo destacou a “longa historia, notable prestixio e diversas participacións do RC Celta” do Luís Otero, un trofeo bautizado en honra do histórico futbolista pontevedrés que lle dá nome. Pola súa banda, a presidenta granate Lupe Murillo expresou o seu agradecemento ao club vigués e á Deputación pola súa participación na organización deste encontro.
O Pontevedra CF estableceu prezos populares, que en categoría “Adulto” oscilan entre 8 e 15 euros, mentres que para a categoría “Junior” (entre 14 e 18 anos incluídos) os billetes custan entre 4 e 6 euros. Ademais, o club granota comunicou que os menores de 14 anos poderán asistir de balde ao encontro.
As entradas poden adquirirse desde hoxe luns nas oficinas do Pontevedra CF no seu horario habitual, de 9 a 14 e de 16 a 19 horas.
