O vindeiro domingo 18 de maio, e tras o éxito da festa realizada a pasada tempada con motivo do fin do Centenario, o RC Celta despedirá a tempada 24/25 en ABANCA Balaídos ao grande. Música, comida e animación para celebrar co celtismo unha tempada inesquecible na previa da penúltima xornada de LALIGA fronte ao Rayo Vallecano.
Queremos celebrar como se merece un ano espectacular en todos os niveis, onde batemos récords de asistencia e gritado máis e máis alto que nunca o que somos e aquilo do que sentimos profundamente orgullosos. Unha comuñón moi especial entre o equipo e a afección que, ao longo desta campaña, gozaron unidos, proba deles son as 10 vitorias que sumaron no noso fortín. Un apoio incondicional por parte dun celtismo de categoría co que igualamos o rexistro histórico de 14 tempadas consecutivas competindo en Primeira División.
Unha festa por e para o celtismo que dará comezo ás 12:00h, estenderase ata o inicio do RC Celta – Raio Vallecano ás 19:00h; e contará con tres zonas:
1. A zona gastro: onde haberá diferentes casetas xestionadas na súa maioría por penas celtistas que ofrecerán comida como polbo, empanada, callos, bocadillos, etc.
2. Unha zona de dinamización infantil para que os celtistas máis novos divírtanse, aprendan e celebren ao grande con talleres, inchábels, xogos populares…
3. E, por suposto, un escenario central no que a música non deixará de soar e que contará coas actuacións de The Rapants e Galician Army. O grupo vigués Neolekas poñerá a súa nota de ritmo e tradición á festa, interpretando nosa Oliveira dos Cen Anos. Por último, Festicultores Troup mobilizará ao celtismo polos arredores do estadio ata o final da festa, subindo a temperatura do ambiente para que toda a afección estea preparada para animar desde o primeiro minuto aos nosos.
Unha xornada para gozar, para compartir e sentirnos máis unidos que nunca nunha celebración que será reflexo do que somos: xente de aquí, que sente, que loita e que nunca camiña soa. Porque o RC Celta é unha forma de vivir, unha identidade, un sentimento que se transmite de xeración en xeración. E esta non será unha simple festa. Será un agradecemento por todo o agarimo e apoio que o club recibe dunha familia celeste que sempre camiña ao seu lado.
Por outra banda, se aínda non tes a entrada para este partido, xa podes conseguila co teu Carné Celtista desde hoxe mesmo desde AQUÍ.
Por outra banda, as entradas para público xeral sairán o venres 09/05 a partir das 16h AQUÍ.
Sempre Celta!
