O RC Celta rendeu, no pasado partido ante a UD Almería, unha especial homenaxe ao seu capitán e máximo goleador, Iago Aspas. O carismático dianteiro, que recentemente marcou o seu gol número 200 coa camiseta celeste fronte ao FC Barcelona, foi ovacionado pola entregada afección de Abanca Balaídos antes do asubío inicial.
Acompañado polo conselleiro Sergio Álvarez e os capitáns Iván Villar e Kévin Vázquez, Iago recibiu a camiseta do presente centenario que conmemora os seus 200 goles como celeste.
Con esta homenaxe, o RC Celta quere agradecer a Aspas a dedicación e paixón tecidas ao longo de toda unha vida dedicada ao club. De celtista de berce a ícono actual, Iago non só cumpriu o seu soño de vestir a camiseta do primeiro equipo, senón que construíu, e segue construíndo, unha lenda indeleble que supón un orgullo para a canteira e para todo o celtismo.
