Vicky Vázquez deixa de ser adestradora de As Celtas co peche da presente tempada, poñendo fin á súa etapa á fronte do primeiro equipo neste segundo ano de vida do conxunto feminino. A técnica viguesa continuará vinculada ao Celta, onde seguirá achegando a súa experiencia desde unha nova posición dentro da estrutura do club, formando ás xogadoras da canteira dentro dun proxecto sólido de desenvolvemento e formación.
A primeira adestradora do equipo feminino protagonizou un estreo sobresaliente durante a 24/25, culminado co ascenso directo de Terceira a Segunda RFEF. Na presente campaña, xa na nova categoría, deu continuidade ao crecemento do proxecto e consolidou un traballo de notable relevancia para o desenvolvemento do equipo.
O Celta quere expresar o seu agradecemento a Vicky pola dedicación, o compromiso e a profesionalidade amosados durante estes dous anos no banco de As Celtas, así como polo vínculo construído co vestiario, a afección e todos os estamentos do club. A partir de agora, seguirá achegando desde unha nova faceta, nun posto no que seguro seguirá escribindo historia celeste.
